ՊԵՆԵԼՈՊԵ, Օ՜, ՊԵՆԵԼՈՊԵ

Սոս Սարգսյանի անվան  Համազգային պետական թատրոնի, ՀՀ կրթության, գիտության, մշակույթի և սպորտի նախարարության և  Ա. Պ. Չեխովի անվան միջազգային թատերական փառատոնի համատեղ նախագիծը
       
«ՊԵՆԵԼՈՊԵ, Օ՜, ՊԵՆԵԼՈՊԵ»

Պիեսի հեղինակ, բեմադրիչ և բեմանկարիչ՝ Սիմոն Աբգարյան /Ֆրանսիա/
Երաժշտական ձևավորում՝ Տատյանա Բուրել /Ռուսաստան/
Երաժշտությունը՝ «Վանական» ռոք խմբի
Զգեստները՝ Թամարա Բարոյանի
Լույսի նկարիչ՝ Զարուհի Թարխանյան
Գրիմ- Անուշ Բարոյան

Դերակատարներ՝
Դինահ — Նարինե Գրիգորյան
Էլիաս — Վարշամ Գևորգյան
Անթե - Նարեկ Բաղդասարյան
Նուրիցա — Ալլա Սահակյան
Օդեսսա— Տաթև Հովակիմյան
Թեոս — Անդրանիկ Միքայելյան
Սոֆյա — Միլենա Ղազարյան

Հունական դիցաբանության և համաշխարհային մշակույթի մեջ Պենելոպե անունը կապվում է ուժեղ կնոջ և հավատարմության գաղափարի հետ։ Սիմոն Աբգարյանի «Պենելոպե, օ՜, Պենելոպե» պիեսը նոր հայացք է Ոդիսևսի կնոջ՝ Հոմերոսի «Ոդիսական»-ի կենտրոնական կերպարներից մեկի պատմությանը։ Ներկայացման հերոսուհին՝ Դինահը, ով քսան տարի սպասում է պատերազմից ամուսնու  վերադարձին, պարզապես հավատարիմ մնալու օրինակ չէ: Դա հավատարմություն է իր աշխարհի բարոյական արժեքներին՝ ընտանիքին, սեփական արմատներին, ինքն իրեն անդավաճան մնալու իրավունքին։ 
Մյուս բևեռում Անթեն է, ով համառորեն փորձում է ամուսնանալ հերոսուհու հետ: Նա գիշատիչ է՝ պատրաստ ամեն ինչի՝ իր նպատակին հասնելու համար։ 
Ներկայացման առանձին թեմա է Էլիասի ճակատագիրը: Նա պատերազմից վերադարձել է և որդեգրել պացիֆիզմի գաղափարները։      
Դասական կանոնների համաձայն ներկայացման բոլոր իրադարձությունները տեղի են ունենում մեկ օրում՝ շաբաթ օրը։ Հերոսները պաշտպանում են իրենց ճշմարտությունը և սպասում կիրակի օրվան՝  հոգևոր հարությանը։